منتدى نشامى شمر - عرض مشاركة واحدة

12-12-2012

اقتباس

المشاركة الأصلية كتبت بواسطة ماتهاب


	كتبت حروفها ليس بيدي بل بدمع عيني وبدم قلبي قبل ان تقرؤها اعتذر ان احزنتكم اعلم ان مايخرج من القلب سيصل للقلب فعذراً يااحبه.. مهما تقولون ذا قاسي وذا قاسي=ماقسامن الموت لامن غيّب احبابك حلت فجيعه وانا بين اهلي وناسي=قالو فهد مات والله يجبر مصابك من صدمة العلم قمت اشقق لباسي=واقول له صدق صدق الموت قفابك؟ خذيت ياموت مني *طيب الساسي=لو مانت مكتوب ربي مارضينابك وشفيك ماتاخذ النمام والخاسي=اللي لاجا الناس كلن قال وشجابك من عقب مامات صاب العقل وسواسي=واحيان اكلّمه: وينك طول غيابك؟ حتى لو امه نست لاماني بناسي=ياكيف ياقلب تنسى خيّر اقرابك يافهد برثيك دامه عايشٍ راسي=لين اندفن وسط تربه مثلما ترابك -ماتهاب-

شاعرتنا القديرة ماتهاب
لام الله من لامك اختي الكريمه
ولاكن الله سبحانه وتعالى أكرم الإنسان بالصبر والسلون اي النسيان
نسيان الحزن لانسيان الفقيد بل نتذكرهم وندعي لهم ونتصدق وهذا هو الأفضل
اختي الكريمة هذي هي سنة الحياة حتى قيام الساعة
اتمنى أن تخرجين من هذا الحزن والدعا للفقيدبالرحمه ولك الأجر والثواب
والله يرحمه برحمته الواسعه امين يارب العالمين
اختي أبيات رثاء موجعه وينفطر لها من لاقلب له
صح السانك شاعره موئثره
خالص التحايا لسمو شخصك النبيل