ياقلب يلي ممتلي حزن وشفيك .=باشر بنبضك فوق نبضه شويه .
ترا غلاك وشوق روحك بينهيك.. =عالج جروحك دام توه نديه ..
اللي يحبك راح ولا عاد بيجيك .=ولا انت بالذكرى حياتك ضحيه .
يكفي تكابر والمواجع تباريك .=والهم يرمي صاحبه بالعشيه .
ولا انت دايم والمأسي تخاويك .=وجروح قلبك بالضماير خفيه .
صرت اتحرا طيحتك في خطاويك .=غفله ولا عالبال طيحه منيه .
ليت المنيه تحتضني وتجفيك .=مني تجيك الروح اصغر هديه .
واذا بغيت الحب قلي بوصيك .=قلبي مع الاشواق جاتك عطيه .
ابك انت تستاهل و لازم نجازيك .=جاتك غلاتي والمعزه سويه .
خذها مع تذكار شخصن بيغليك .=ولا محبه صادقه هم وفيه .
قالو تصبر جعل ربك يعافيك .=خل العروق تسيح دمه سريه .
ياناس ماهي بالصبر والتساليك .=مير الغلا بالقلب باني خليه .
ان قلت ماحب صاح قلبي تماتيك .=مجنون يكذب مايبي غير هيه
حاول يعيش بصمت حزنه بتكتيك .=بس المدامع تفضحه ياخطيه