النايفة والفارقه.. بوصوفه=روحي عليها ..دايما ملهوفه
النادره في حسنها .......والطلة ==مثل الفرس بس فرق مو معسوفه
ماهي من اللي وصفهن حي الله =كنه على عرش الحسن موصوفه
اصيلتن ..ما قادها كل فارس=اصل ونسب مبخونتن معروفه
ليا مشت تزهر ورود دروبه =وليا وقفت هيبه ملك بوقوفه
ما مثلها في شامها وحجازه=ولا بصرته ولا موصله والكوفه
جسمه مزيج من التناقض لكن=فيه الجمال الي تعبت بشوفه
الخصر ضيق مثل وصف الدله =ومن تحتها ياوسع وصف ردوفه
وجهه مثل ذاك الصباح المشرق=وينام ليله ...في صعيد كتوفه
وزودن على حسنه عقلها راجح =ماهي من اللي لا حكت ملقوفه
اسمه ورسمه والوصف والمنطق=ليا نطقت اسمي ..تزين حروفه
ويكفيك عن كل الوصوف عيونه=ومن فوقهن سلت عليك سيوفه
يالله عساني مافقدت وصاله =ويالله عساني ما انحرم من شوفه