مِحن زول سوداني
قسما بالله البلد ددي فيها شوارع ظلط تمحن تحير تزعل تبكي تزهج تعرق تمرمط ،ياخ معقولة لكن ، الشارع ما يتم ليهو سنة ولا اتنين وتلقاهو بقا عامل زي موج البحر ، وفاير زي حلة البريستو وتبدا تظهر الحفر والشقيق ، انا ماعارف الناس ديل لمن يسو شارع بليسوهو كدا ساي ولا شنو ولا بلدنا دي ما بتنفع فيها شوارع الظلط ولا الحكاية شنو .
ده كلو كوم و وحفر الصرف الصحي البتكون تقريبا في نص الشارع كوم تاني حاجه تمتع ياخ لمن العربية تمشي فيها وتنزل تكون داعية عليك دنيا واخرة ، وبالذات لمن الشارع يكون مضلم زي غرفة الاشباح وتكون انته ونور عربتك أو حافلتك او ركشتك ، وبالاحضان بالاحضان بالاحضان ياحفرة ياحلوة بالاحضان .... ياسلاااااااااااااام
وده طبعا حيقصر في عمر العربية يعني بعد شوية تحتاج مساعدات و الذي منو وجري على المنطقة ، عشان تمشي تلقا الاسبير قاعد في نار (مولع) وأصلا هي الحياة ماناقصة ، بس الحمد لله
#محن_يازول_ياطيب
|