يانديـبـي وارتـحـل فـــوق مـومـيـت الشـلـيـل =حـــول ثـنــون سـنـهـا بـــس باقـيـتـن فــتــاه
لـبـسـوهــا خـرجــهــا وشــديـــد واصــمــيــل =والمـزهـيـب يالـظـفـر مـايــزود عـــن غـــداه
يــوم قـلـل مزهـبـه مـايـبـي الـحـمـل الثـقـيـل =وان نهمـهـا سـربـت قـبـل ماتـومـي عـصــاه
ركـبـه مـــن عـنـدنـا فـاهـمـن قـرمــن دلـيــل =فازعن مـن حشمتـي لاجـل توصيـل الوصـاه
سارحـن وقـت السحـر فـوق حنزابـه لاصيـل =يـوم باجـت السـفـر وعــرق لارطــا قـدوطـاه
وان عـزمـه مشبـبـن قــال مـــره مستحـيـل =بـعـد مـنــه مهـمـتـي كـــل شـــي لـــه طـــراه
لاشـكــى كـثــر الـتـعـب ولايـنــوي بالـمـقـيـل =لـيـن واغـلـه الـظـهـر روضـــة سـديــر وراه
والعصـر فـي جــو عـرقـه بـعـد يــوم طـويـل =ثــم نـوخـه سابـقـه يــدي فــروض الـصـلاة
ثـم واصـل رحلتـه فــي حـجـا الــوال الجلـيـل =لـيـن نـوخـه عـنـد ظـافـر مـكـرم مــن نـصـاه
ثـــم بـاشــر بالـتـراحـيـب كــســاب الـجـمـيـل= الـــدلال مـزعـفـره والمـفـطـح هـــو عــشــاه
ونشدو راع الوفاء وش كسب له من حصيل =يــوم سـافـر للـبـدو فــوق صـالـون شـــراه
يـــوم تـلــه مجـنـبـن لـيــن عــــداه الـسـلـيـل =لــو جيـبـه يشتـكـي كــان ظـنــي قـــد شـكــاه
جـونـي القـشـران قـالـو رفيـقـك لــه عـويــل =كــل مـاجـاء شايـبـن فــي لـزومــه مـاقـضـاه
قـلــت هــرجــن تـايـهــن مايـبـرهنـلـه دلــيــل =لـــو قـربــه بالـثـمـن كــــل رجــالــن شــــراه
بــس ظـنـي عنـوتـه يتـبـع شـخـوط المخـيـل =يــوم زفــزف زاهـــره قـبــل مايـقـفـي ثـــراه
قالـوا ابـدن عنوتـه لاجــل منـسـوع الجـديـل =قاصـدن لـه حاجـتـن عـنـد عــودن ماعـطـاه
قـلــت بتـقـضـا حـاجـتــه لاذلــيــل ولابـخـيــل =كـــان عـيــا واحـــدن فــيــه مـلـيــون بــغــاه
قـالــو انـتــه تـمـدحـه كـــن مـامـثـلـه مـثـيــل =كــن مـافـي ذالـبـشـر واحـــدٍ فـــي مـسـتـواه
قـلــت ابـــري ذمـتــي لايحاسـبـنـي الـوكـيــل =وان نشدتـوا مــن الـغـلا مـثـل مشـهـابٍ غــلاه
الشاعر/مشرع ذعار العوهلي