عيني على شوفة عيونك شفوقه =مثل اليتيم اللي ينتظر من يواسيه
امه كبيرة سن واخته عقوقه =صغير مقطوع الوصل من دوانيه
تعلقت روحه بروح معشوقه=وبنى عليه آماله وصار يغليه
وتبسمت دنياه ودق بخفوقه=حبه وشوقه له وبانت مواريه
سهمه وصل منه وصاب معلوقه=وعينه على بابه وقلبه يراعيه
اجمل سنين الحب في وسط موقه=عوضهَ عن يتمه وشاف الامل فيه
وعطاه عمره له وجابه يسوقه=سلمَ له ايامه ووقفَ ثوانيه
وبعده ـ ـ ـ رحل عنه وسبب بعوقه=توقفت قطرااات دمه برجليه
كواه في ناره وزادت حروقه=بعد الفراق اللي بلا زاد يقضيه
رجع على يتمه لذيك العقوقه=ودعى ولي الكون بالموت ياتيه
هذا فراقك شوف كثرت فتوقه=ارقع ويكبر شق جوفي وخافيه
وين انت ؟ ياضي الحياة وبروقه=جفتَ مواعيدي وانا بس اناجيه
وين انت ؟ يامنبع حياتي وذوقه=امشي على دربك وزادت خطاويه
تعااال عيني من غيابك شفوقه=عين اليتيم اللي تشوقَ لواليه