الله حسيبه كل ماجيت ابطريه = دق الخطر داخل خفوقي وحيا
احس صدري يلتحم كل مافيه = ودمي بداخل عرق قلبي رهيا
يمشي غلاه بدم جسمي واناجيه = بأحلام ليلاً من سراها تقيا
تجتاحني نوبة فرح في حراويه = ويلم بي جرح السنين الطريا
روحي شكت نار الفراق ومكاويه = وعيني لذيذ النوم له ماتهيا
تحملني امواجه من التيه للتيه = وترسابي هموم الزمان الشقيا
اعاتبه ؟ اشره عليه ؟ او اجازيه ؟ = ابعد عنه ؟ ماقدر ابجلس هنيا
بجلس بدرباً قلتله فيه لبيه = وابادله ذكرى الغرام الوفيا
ألمس له اعذار الجفا والمشاريه = مدري غلا مدري شرارة حميا
بس الاكيد ان روح قمراه تفديه = وتنزله جنب القمر بالثريا