الشاعره قمرا سماه=
الشاعرة نارها حيه :=والشعر يضمى وينخاكم
ردوا علي يالشقردية =محاورة لاعدمناكم
نبي قوافي ورديه =القاف والشعر بحماكم
ردالشاعر عويد المغيليث=
حمّسني القاف ياوخيه=يالشاعره طاب ملفاكم
انا بديرة حساويه=والقاف لابد ينصاكم
مسيارنا طال يابنيه=والعود ظامي على ماكم
رد الشاعره قمرا سماه=
هلا بشعرك وياحيه = نور علينا محياكم
الشعر تزهي معانيه = بوجود مثلك وشرواكم
سيرّ ولاتبخل الجيه =حايل تبختر وتغواكم
ردالشاعر طلاع الزميلي=
قاف الطنا جاك يبـــــــانيه = على صدى الصوت جاركم
من اقصا الحدود الشماليه= قاف الزميلي تنصـــــــاكم
وعويد زع الهجيـــــــــنيه =وطلاع شفقاً لقيـــــــــاكم
رد الشاعر عويد المغيليث=
انا اشهد انك سنافيه=ادعي عسى الرب يحماكم
وحايل واهلها قصاويه=وانا اتشرف ابلقياكم
ابيات جبته سماويه=وطلاع بالملعبه جاكم
رد الشاعره قمرا سماه=
هلا بقرم الزميليه = الشعر يبحر ويرساكم
تراي بالشعر جنيه = شد الرسن لاتقهواكم
وين العرب يالهجينيه = تشاركوا في معشاكم
نبي سوالف على النيه = تعللت الليل تهواكم
رد الشاعر عويد المغيليث=
طلاع خلا بناخيه=بالملعبه ماتحداكم
الظاهر مبيّت النيه=يبي عويد بمرماكم
ياصاحبي كان لك جيه=تكفى تراني اتحراكم
البنت ميه على ميه=والقاف مختوم في آكم
رد الشاعر قمرا سماه=
طلاع عليك عشويه = مفطحه من ضحاياكم
مايفكك النوم موليه = بكرا الوعد يا لفيناكم
رد الشاعر عويد المغيليث=
اليوم ودي بغنيه=ودي اغني بمسراكم
معي سيف(ن) وشوميه=واللي يجي يلحق خطاكم
انا بكتيبه فدائيه=وعندي تنر جيت بطلاكم
والقلب مافيه ماويه=قولو عسى يزين مسعاكم
رد الشاعر طلاع الزميلي=
جاك قافي اطلاق نــاريه=بقلب الهدف مايتـــعداكم
وكاننتي بالشعر جنـــــيه=ترى خطيب الزمن جاكم
عندي لك آيت إلاهــــــيه=بسبع المثاني تـــــحداكم
واعندي علاج الحراميه= وقبل تقهوي تـــــــغداكم
وروحك خليهارياضـــــيه=وثقل لاساع ماجــاكم
رد الشاعره قمرا سماه=
مني وروداً رومنسيه = احلى مساء في محياكم
نبدأ بطرز الهجينيه = ونكمل دروب ممشاكم
رد الشاعر عويد المغيليث=
القاف طالت مبانيه=وصارت علامات بحكاكم
والبنت زانت مراميه=يابنت حنا هجدناكم
رد الشاعر قيس الحسيني=
اهلاً هلا فيك يابنيه=مراح من ليلي تقهواكم
وشلك بشيبانن حونشيه=افطني لقيس لاجاكم
حنا زبون الجلاويه=شوفوا ازميلي تعداكم