عــزي لقلـبً يالاحيوي خـذنه = هدب العيون امخظبات الجديله
قبـلك محيسن ياطلال اهبلنه = وباســبابهن حطـوا عليه النثيله
وقبلك وقبلك واجد اللي نعنه = امـه مـع اخته مـع بنــات القبيله
قبـلك محمـد يا نديمـي كـونه = واركن على كبده سواة المليله
فيهن ابن سوعان قد صاغ فنه = وعذب المعاني والطروق الجميله
بالصاحب اللي راح ما اخذت منه = الا وعــــودً مـــا يبـــلل مـــخيـله
اقفا وانا اللي فيه قد خاب ظنه = واقفيت انا مجبر ونفسي عليله
الحب بلـوه وان وصـفناه ســنه = وســهر الليالي والبــلاوي ثقيله
مع ذا وانا آصف صادق الحب جنه = ليا صار يبعد عن ادروب الرذيله
ونصيحتــي يالقـرم بالقلب كنه = ولايدري الشامت وخطو الهبيله
خبـلً يــدوٌر في ابنـاخيه لنــه = خـله ابنــومه لاتعــرض ســبيله
واكتـم اسـرارك يابن عواد عنه = وريـٌــح ضميرك والليـالي طـويله
واتعب على اللي يبتغيك ابمحنه = اللي فتح صندوق سره وميله
ارخص لهـــا ماتمتلك لاتمنه = وجود رسن بنت الحصان الاصيله
اغنم زمانك واسرع الوقت دنه = قبل العمــر يمضي وياتـي رحيله
لاتفوت الفرصه والاقدام عنٌـه = ابذل لهــا المجهـــود والشك زيله
هذا جـوابي يالاحيـوي واظنه = وضٌح لك الصوره وزبدة صميله