عزات من قلـب سعابـه ديـدان =عيا يطيق الصبر من حـر مابـه
يا الله تبدل ساعة الحسر بإحسان =والنفس من كثر الواهيـب ذابـه
العين عد دموعها شبهـه نيـران =وجفونها من كثر الغرابيل سابـه
مرحوم ياقصر السناعيس بـرازن =غـدا محطـه للسوافـي ترابـه
من يوم شفت العث يسعى بدمرا=بكيت يوم شفت الدراكتر وطابـه
ماهو غلا مـار للنفـس ميـزان =راحو هله اغلى منه ولا هو خرابه
يامـا شبعبـه هايـف وجيعـان =والله من شيخ عزيز (ن) وطابـه
مضيف اخو نوره تولوه القصمان =يحتس لامـن القصيمـي وطابـه
ياويلكم لو يظهر اليـوم سرحـان =وينجال عن ذيك النصايب ترابـه
والله إن تلقى بكـم تقـل خرفـان =لاجاه من وبل السماء له سحابـه
قصر(ن) تناجابه متعب وعبـدان =وبندر وطلال وكل الرشيد الذيابه
مار البلا باللي تقل روس خرفان =كل(ن) يدور تجرته فـي خرابـه
دنياك مادامت لكسـرى وهمـان =وجيور ماتضفـي عليـك ثيابـه