كان حلمي طار من راحت يديني = مابقى بالكون ياسالم حسوفه
ول ياوقت الشقــــا قفى ظنيـني = وعذاب القلب لامــرت طيوفه
قلبي المجروح من عقبــــه حزيني= سيـــدة قلبي وكاملتن وصوفه

ياابونشمي اطلب المولى يعيني = الغظي ماقفى عليه إلا ظروفه
اشغل الجوال بزعـــاج الرنيني = وانتظـــر لابد محبوبك يشوفه
والهــوا قبلك ترى زود أنيني = لين شفت الحب معطيني كتوفــه

اشهد أن البال من عقبه يشيني = وآ شقى عين(ن) مناويها تشوفه
كنت اذا ماجيت محبوبـــي يجيني = الحبيب اللي مكانتهـــا معروفه
ليتني ياخــــوك في كفـه سجيني = آهـ .. يادنيــــاي منتـي بمخلوفه

الحبيب اللي طواك آله الحنيني = في حشا جوفك مقلطتن ظيوفه
بالقصيد تمجد الترف الحسيني = وفي عيونك واضحاتن لي حروفه
يعشقك عشق اليتيمه لليتيمي = وانت حبه ملحقن نفسك كلوفه

ياخوي الـــدرب ياذرب اليميني = الكلـــوفه حي ابوها من كلوفه
لجل خاطر صاحبي كلش يزينــي = دام شــوفه طب قلبي والمروفه
حبها سوى لاحاسيسي كمينـــي = الكميـــن اللي عجز قلبي يطوفه

ان بغيت اخـــر كلامي واليقيني = مالك إلا الخطـــف دامنك تشوفه
مركز الشرطه يبي كســـر الكميني = أنتحارت صاملن خـــل الابروفه