كبت الغضب مع شدة الانغباطه= من اختصاص الحلم عند القوانيط
ومسكت زمام العقل رغم انشطاطه= يمتاز به جبر الرجال النواشيط
وانا عديم السيطره بانفراطه=كنك تشقق مهجتي بالمشاريط
عقوق الصداقه والخوي وانحطاطه=امحق زماله يانفوس المعابيط
بعض البشر يخدعك حسن اختلاطه=وعلى شليل الخبث يرسم تخاطيط
يلقح خلايا مطمعه بارتباطه=ويمشي على مبدا حلوق الزواريط
كسب الفوايد من وجوب اشتراطه= وخطه مهو. مفهوم كله شخابيط
وليا حديته بادرك بالعباطه= يطلع له بجنب الحقيقه مخابيط
خذ زبدة الموضوع على بلاطه=وهذا الصيح وخل عنك الخرابيط
عمرك عن الهفوات خذ احتياطه= ملعون ابو الشرهه على ام المصافيط