ياسـيف مـدري لقيـت العلـم والا بـعـد = لوقلت صدام ميت قلت ماهو صحيح
من يخطي السبت يجازا في نهارالاحد= يامقشر المـهنه اللي استــعد استريح

يابومشاري ترى بعض الدعاوي نكد= السر ضمه ف قلبك يانداء لا يبيح
مدام سلــــَــمتنا العهده واخذنا سند= مالك ومال الدعاوي وأنت جنب المليح

علومـــــكم طـــيبه وفـقـركم لــلابد = ماغيرلعبداللطيف وحض ولد الجميح
والليل هذا على رويسك بروق ورعد= ياراعي السيف سيفك باللقاء لايطيح

اعلومنا طيبه والحال حال السعد= وانته من الدهر مالومك لو انك تصيح
الليله الليله البنيان فوق العمد= يابن منوخ تهرج باللسان الفصيح

اشوف عبد الغني يشهد لعبد الصمد = يوم الصراحه تهمن من لسان الصريح
ماعد فيها رفـيق الشــــر قام و قعد = وانا نطيـحك نطيحك يوم مالك نطيـــــح

هذا نداءلا حتما الميقاف معنا برد= حتى ايش لو النشامى كثروا فالمديح
منته بحاكم بلد و انا معك فالبلد=لاتظهر الجرح للجراح وانته جريح

من فضل ربي يجي بيتي قوي الوتد = ولا طلبت المعونه من يدين الشحيح
انا ليا يشـــافن المجـنون جنه هجد = ياكم ياكم تـــعود يالعضـــيله طريح

منته مزود عدد منته منقص عدد= ذبيح يابن منوخ فالملاقى ذبيح
أنا اللي اكحل عيونك كان فيها رمد=وتروح راضي وسامح يالرفيق السميح

انا ليا شفت لي واحــد لنفســه شهد = تركت وضعه لوعرفه شجاع وفليح
ماني صعيديك ليا شاف المصيبه رقد = لازال عندي جهد والكون كله فسيح