اشوف لي ناسـن تباشـر ومستـره=ناسن تباشر والنتيجة علـى ماشـي
الله يجنبـنـا صواديـفـه وشــره=كيف الرجل من لحمة اخيه يعتاشـي
ماهاب دمـه ينهشـه بنابـه وجـره=على صفا قاعـن تعشـاه واهتاشـي
بسبن وضلم ولابهم من الحيـاء ذره=اهبيت وجهن لعرض الاجواد نهاشـي
ان شاف غيض مقابله قال مصخـره=والا افلانـي بغيبـة افـلان حشاشـي
العفن ماينوثقبـه مثـل اخـو مـره=من طاوعه لو يطول الوقت ماعاشـي
كـم واحـدن لتهالـك مختـه فـره=وسود قلوبن صفاه ابيض من الشاشي
ياللي كلامـك سكـري انقلـب مـره=كـف الاذى مانريـد اعذار غشاشـي
وين انت يوم الشدايد بأزمتـن حـره=ناسن تخاطر من اجلي وانت منحاشـي
ماتنحلـب ناقتـن جفـول يــادره=ولا ينوجد باالعصب مطعوم واعراشـي
ناسن قريبه شفت بلواه مـع ضـره=وتفرح ليا ناشك من الضيـم نواشـي
لو يجنـب شرهـم مانـبـي بــره=مانبي فودن مـن الهيـس والآشـي
وحلفت راع النوايا السـود مامـره=والله ماهين النفس واجامل الواشـي
والله يلعـن كـل نـمـام بالـمـره=يالعنبو رزلن على الضلـم يعتاشـي
اقولهـا باللسـان الطلـق ماجـره=الحق اقوله واقوله غصب ماخاشـي
اقولهـا الـف مـره والفـن اكـره=وياللي تحسبن غافلن هاك باالكاشي
وشلي بدربن فيـه ديبـان مصفـره=اجنبـه لايكضـن نــاب نهـاشـي
ولاهمني قرصـة البرغـوث والـذره=قرادن تعلق طاح من مقدم الحاشـي