هذي الابيات مهداة للاخ العزيز / فايز بن عطيه الظفيري
جبت المعاني والقوافي والاوزان = وطبعتها بالآله المطبعيه
من شان اوصف واحد دوم بطران = ماغيرته العالم بعالميه
مركا خوي مع كل مخلوق وانسان = له فزعة تسوى العهود الوفيه
هذاك فايز كاسب الطيب لاهان = تشهد له الايام وتشهد عليه
اني اعد الصح من دون نقصان = يستاهله بالفعل ماهي خفيه
راعي كرم تندى يمينه بالاحسان = شهامته ماعرضه للخطيه
ماقفل الجوال عن كل من كان = ومحدد النغمات نبره قويه
من شان يسمع رنته بقدر الامكان = هذي فعول الذيب فايز عطيه
بالطيب ياراعي السعد مانت بلشان = كفواً لها لاهنت صبح وعشيه
انا اشهد انك من مواريث شجعان = نعم بابوك والف نعم وتحيه
الجاسمي اللي سلايله ظفران = والفين نعم بامك الجاسميه