من خلقتي والقلب مرتاح ومحيد=مايعرف علوم الردى والعياره
حب الردى يابنت عميت به الغيد=ولا الشرف واضح وطالع نهاره
على الردى لا تعقدين اتلع الجيد=مالك ومال الحب لا اقفى وقاره
الحب في هالوقت منزوع(ن) القيد=وبأخره يضيع ويفتق ستاره
حب(ن) موقت بين زمرة مواليد=مايعرفون الا الشيش والزقاره
وش ينفعك حب(ن)مافيه تمديد=بالمختصر عمره قصير وإعاره
لاصار ماهو ينتهي بشي(ن) يفيد=وش لك وله خليه عساه الدماره
لا تلحقين النفس حكي ومناقيد=وحذراك من درب الردى والحقاره
لاتاخذك شهوات نفسك على بعيد=عيشي وموتي في نقى وبطهاره