والله لــو تــوزن عـقـول الرجـاجـيـل =ان اكـثـر العـالـم عليـهـا السـلامـي
لكـن سترهـا رب موسـى وجبـريـل =الـيـوم عـنـده عنـدنـا بـالـف عـامـي
مـاكـل مــن غـنــا وجـــر الـمـواويـل =اسمـه يجينـا مــع كـبـار الاسـامـي
ولاكل من جـاب الرشـا والمحاحيـل =دلـوه تبـي تـروي كـبـود الضـوامـي
بعض العرب شعره ضلاله وتضليـل =متعـرضـه كــل الـخـطـا والـمـلامـي
لكـن علـى ماقيـل ياحيـل ابالحـيـل =النـاس ماترغـب شـروط النظـامـي
كانك فهمت الهـرج جملـه وتفصيـل =والانشرت اسمك جنوبـٍ وشامـي
لاتحسبـنـي ناسـيـن كـذبـه ابـريــل =حطيتـهـا بـيـن اللـحـم والعـظـامـي
مــن بينـنـا ســود اللـيـال المقابـيـل =تكشف لنا زيـف الغبـي والحرامـي
تبي الثقافـه والثقافـه وراء سهيـل =بسوق الذهب تبيع ريش الحمامي
كانـك ذكـي وتحلـل الـقـاف تحلـيـل =والاتـريــح فـــوق ريـــش النـعـامـي