اخترت لكم هذه الصور المتواضعه من مذكراتي.... اتمنى يعجبكم ماكتبت
صـــوت الـرعـــد بالرياض الديره الغبرا === وقلبه على شوف حايل رايحاً فيها
يطــري عــلي لاطــلعت بلــيــلة الــقـمرا === شعبانها والجبال ومن سكن فيها
ويطري علي ظلع اجاء ياناس والسمرا === وايام راحت زمان وكنت ناسيها
بـعـض الصور تعيد لي ماضياً فات === يوم اننا نكشت شمال الرفيعه
وقتاً مضى فيه الطرب والوناسات === ذكـراه تـبـقى للـنشـامـى نذيعه
اغــنـم زمـانـك بالفرح والمسرات === دنـيـا لـيا لـيـها عـلـينا سريعه
صوره وله في داخلي الف عنوان === الله يا مأجمل حيــاة الطـبيعه
خلاص بمشي يم حايل من اللآن === واشب ناري في صياهد ضبيعه
والله ياسلطان ضايق وطفشان === والعمر يمضي والليالي سريعه
الله علـى ضو الـقـمر يـلـعب على الموج ويموج ===ابداع من عند الولي قمرا بحر والوقت ليل
وقفت افكر وانتظر وامشي على الشاطئ وادوج === كن البحر ياصاحبي خلا غزير الماء سبيل
الا!!!! عــلى ذكر الــقــمــر ذكــرت لي خلاً غنوج === شفت القمر يشبه لها لكن بدون اسود جديل
صوره وتدري وش حصل شفته وضيعت الدليل
لاوالله الآ رحت فيها ووليت === وضاعت معالم فرحتي من حياتي
ياليتني في بيتنا مابعد جيت === هالحين من يجمع بقايا شتاتي
يارب يارب الملا ويش سويت === اليوم اشوفك ناوياً في مماتي
يـا ظـالـمـيـنـه لــيــه لاتـظــلــمــونه === يامـا ,,, دخل بالـسجــن ناساً مظاليم
شوف البراءه واضحه من عيونه === الميم . والظا . لآم . والواو . والميم
ياموت ابونـا وش تـبي فـي حـياته === ماعاد لي في دنيتي غيره انسان
واهــل الـحــسـد خليتهم والشماته === اللي سوالفهـم سوالـيـف ديـبان
وان كان عـنـدك شي ياموت هاته === دنياي من بعد الاهل شانها شان
والله مهي هقوتي بالجيب === شفت النشامى يدفونه
يالشاص والله حرام وعيب === آخر زمن تطلب العونه
رد .. الجـــيب.. ويقول
صوت الرعد جرباً تجريب === الشاص مثلك يعرفونه
بلآي من سايقاً به شيب === وضعف النظر صار بعيونه
من زعلك قولي ,,لي,, الحين الحين=== والله لغــســل ياحــيــاتــي شراعه
قــولــي وانا بأدبـه لــين تــرضـيــن === يصعب علي تبكين لو ربع ساعه
العلم مثل النور مع فتحة الباب === واصل الجهل في واقع الحال مظلم
العلم يرفع بيت لوسوره اطناب === واللي يـظــن الـجــهل لـه بيت يحلم
بعطيك موجز حالنا عقب ماغبت === ضاعت جميع حلولنا من يدينا
يانبع غبت ومات من بعدك النبت === ياليت تدري بعدكم وش جنينا
اكبر دليل اللي جرا ليلة الـسـبت === صـارت ثــلاثـيه وصعبه علينا
بقلم الرعـــد