اخواني واخواتي اعضاء منتدانا الكريم نشامى شمر
على عادة الاخ ابوغازي بالبحث عن كل مافيه فائده للصالح العام وخاصة مايختص بتراثنا
وتراث الجزيره العربيه عموما فقد اشار علي بفتح قسم للاجابه على استفساراتكم عن ابيات الشعر
التي لايعرف قائلها فيكون السؤال موجه للجميع والجواب من الجميع وكل من لديه فائده للسائل يتفضل
بطرحها هنا لتكون الفائده عامه للجميع وتقبلوا تحياتي العطره000
مما لاشك فيه ان شعراء قبيلة عنزه لهم الصداره امام الجميع بجودة الاشعار وماتحتويه من حكمه
وامثال كانوا هم السباقين لقطف ثمارها قبل غيرهم حتى قيل ان نصف حكمة الشعر النبطي لشعراء
قبيلة عنزه وتشترك القبائل الباقيه بالنصف الاخر000
قال الشاعر النجدي في شيخته:
الا ومع ذلك لك الله لنا كار=عن جارنا ماقيل نخفي الطريفه
حنا نسامح زلة الجار لو جار=ونضحك حجاجه بالعلوم اللطيفه
ونرفى خماله رفية العش بالغار=ونودع له النفس القويه ضعيفه
وقال الشيخ خلف الاذن:
وجدي على الشعلان وسامة الدال=اسباب وكاف الحمر من كردها
اللي الياركبوا على كل مشوال=كم سابقن بالكون عاقوا جهدها
وقال الشيخ النوري ابن شعلان:
الله على مزة سبيل العراقي=اصفر يجيك بلوذة التتن مفروك
مزه وكزه عن خطات السلاقي=يقلط على البارد وينزح عن احوك
ماينبكي حي وزاه الفراقي=ولاينكره بعد الرفاقه اليا اوذوك
وقال محياء ابالروس الدهمشي:
الضيف بالخبراء يقلط على الراس=ولاداوروا جاراتهم بالدنافيس
هم بالقصيم وبالرياض ابن دواس=واهل الحريق وبالشمال السناعيس
وقال ساكر الخمشي:
مبداي باسم اللي له الصبح ينقاد=يابادي ذكره على كل بادي
تقبل دعاوي واحد قبلها صاد=حيث الدعاء يذكر مجادع هوادي
وقال ابن مهلهل الشعلان:
لاشفت ضول الناس بالك تعسه=لاجنبك شر المخاليق خله
ولو عندنا من غيب الايام رسه=الادمي مصلوح نفسه يدله
وقال محمد بن هذال:
يازيد ابن منديل ابي اوصيك بالهدى=ترى الهدى للدين مركز عموده
واوصيك بالضيف الذي وان لفت به=ظلماء وولد اللاش بحالي رقوده
قل يامرحبا ياضيفنا جوف بيتنا=والاجواد تقري ضيفها من وجوده
واوصيك بالجارات ياكاسب الثناء=الاجواد ماتجعل ذراها وقوده
جاراتنا يازيد مثل امهاتنا=الوالدات اللي رضعنا ديوده
وقال الشيخ محمد بن سمير:
يابيه مانعطي دخيلن نصانا=لو تجتمع كل القبايل والاروام
وحنا عذاب اللي تمثنى رشانا=ماقف نكد طول الليالي والايام
وقال ابن جلعود الدهمشي راعي سميراء:
وصية خذها اليانفخة الصور=الشح مايودع ضعيفن سمينا
والمال مايدفن مع الناس مقبور=ولاينفد الاموال مد اليدينا
ومانفدت يمناك قدام لك نور=واللي تخلف فرض للوارثينا