يالله اني طالبـك فـي سجـودي والركـوع=عفـوك ورحمتـك عنـد المحـن يلجالهـا
فـي نهـار للبـنـادم يقـلـن الـفـزوع=يوم ترجف لارض مـن جالهـا لا جالهـا
سنة الدنيـا مـع الخلـق تفريـق الربـوع=قـدرة الخالـق تعـالـى هــذا موالـهـا
مايفيـدن الحسايـف ولا سكـب الـدمـوع=الاوادم مــن بـعـد حلـهـا ترحالـهـا
يرحم الله روح سلطـان محمـود الطبـوع=جعل روحه فـي الجنـان الخضرمنزالهـا
مايعـزي الشعـب فاكبرفـراق بلارجـوع=غيرمـن حقـق طمـوح العـرب وامالهـا
والعوض في الي يخلون راس الصعب طوع=عنـد وقفـات الصعايـب وكـرب حبالهـا
سيدي نايف ونايـف علـى العليـاء بتـوع=لاوقـف لاكبـر مهمـه ثبـت وأشتالـهـا
خطبته عنـد المهمـات تحفضهـا السمـوع=كـل ماتكبـر مصيبـه شـرب فنجالـهـا
فيصلي يعشـق العزمايرضـى الخضـوع=كود للي يجـزي النـاس حسـب اعمالهـا
ياولـي العهـد منـا تبايـعـك الجـمـوع=بيعة(ن)بالـراي والكـايـده حـنـا لـهـا
كلنـا نفديـك يانايـف الشهـم الـجـزوع=الـولاء منـا علـى كـدرهـا وزلالـهـا
الاميـن اللـي حزام(ن)تشدبـه الضـلـوع=وانـت رمـز المملكـه لانتخـت برجالهـا
حكمـة القايـد يحسبلهـا قبـل الـوقـوع=بالسياسـه يفـتـل قصـارهـا وطوالـهـا
من طلـع مـن صفنـا ماطلبنـاه الرجـوع=لا يساومنـا عـلـى جنيهـهـا وريالـهـا
القضيه قتلهـا اشـد مـن قتـل الشـروع=والعروبـه مـا تجاهـل قضايـا اجيالـهـا
الاساس النـا ليـا مـن تعـددت الفـروع=ياهـل العوجـا ليـا قيـل مـن خيالـهـا
نظرتك يم العلا مشيـك الهـا فـي طلـوع=ليـن لامسـت السمـاء نجمهـا وهلالهـا