الحر حر ومطلع الحر سنجار=حرٍ يساوق صيدته في يمينه
شجاع مرهب ضيغمي سيف بتّار=كريم ومن الطيب تندا يدينه
شرواك يلي له عنيت الافكار=ببيوت شعري والمعاني ثمينه
غازي لايامني تفحصت الابشار=ياقلهم مثله وقار وسكينه
غازي يابن شامي تخطيت الاسوار=للطيب ولّي حنّا بك خابرينه
المرجله تنعد في كل الاخيار=ولاّ الردي حاشاك كلن يهينه
كلن يدسّم شاربه فعل واخبار=تطلق بعيد الشوف نظرات عينه
ومن لا فعل لا يطمح بشبّت النار=النار لدلًه وذبح السمينه
الحق يثقل عز بصدور الاحرار=مثل البحر لاشال حمل السفينه
هذا كلامي والقواصيد اكثار=والمدح له رجلٍ كسب طيب زينه