شاعر ولي كلمه مثل حد الأمواس=لا صغتها لازم أجيب الفرايد
صحيح عقلي مقتفيني بهوجاس=لا صار شعر اليوم مابه فوايد
لكن أوردها من الراس للراس=للشاعر الفاهم حكيم الشدايد
ياصاحبي صدري تضايق به أنفاس=يلعنك ي شعر ٍيجيب النكايد
نسمع قصيد الخلق في وقت الأدماس=ولا أشرقت متوسدين الوسايد
بالليل كنه لابس الدرع و الطاس=والصبح يشبه لابسات القلايد
الشعر حِكمه مُحكمه بين الأقواس=ماهوب شهره يا " رفيق الجرايد "
عزي لشعر ٍ ينقلونه بقرطاس=وعزي لناس ٍ ما تعرف العوايد
وعزي لبيت ٍمايحرك له إحساس=تكثر على شانه كثير النشايد
والا أنا لا ضاق صدري من الناس=أرقى على روس الجبال النوايد
متربع ٍ ما بين دله و محماس=وأشيل من شعري جميل القصايد
دامي ملكت العز مالك لي الماس =ماهمني كسب العطاء و المدايد