لاتسئـلـونــي عـن بحـرهــا وحـبـه = ام الجـمـال ادهــا وامــر بـدواهــا
لبى الغـلا اللي من هواء القلب لبه = قبـل الـدهـر يـطـبـق علينا سماهــا
سيـل نـزل يـانـاس مـاحـلا مصبـه = شمية ريـح فيـاضاهـا قـبـل مـاهــا
يـاعـود مـوزاً خـالـق الخـلـق ربـه = بافضل صفاة الخلق جاء مستواهـا
تمشـي بـرفـق ومشيتـه مسـتـحـبـه = كـنـه تـعـالــج كــل عـيـنً تــراهــا
ينسـى المسـبـه من نـواهـا بـسـبـه = وينسـى المطــوع أيـتـه مـا قـراهــا
رب المـلا بحسن المخالـيـق شبـه = لاكـن مع المجمـول ماحـداً معـاهــا
مـانـي بـيـمـه لاكـن ابـلـيـس نـبـه = الصدفـه اللـي ماقـدر انسى ثـراهــا
تـبـت يــدا الـعـشـاق ملـيـون تـبـه = ان كان صارت عنوتـي من عناهـا
تخربطت نفسي من اصل المحبـه = نصيحتـي لاتروح مـن دون جـاهـا
قـالت تبـي سـوق المـزايـين هـبـه = وادخــل مـزاد الغاليـه مـن غـلاهـا
طبـه اذا كـانـك تـبـي الحب طـبـه = وترتـاح من دنيـا العناء مع شقـاهـا