اسهرتني تخلـج بعـرق الوريـدي
لين جابت من صميمـي احويديّـه
وانتشت بي هامة المجـد التليـدي
بين حد السيف واليمنـى الضريّـه
فمت ارددها على نفسـي واعيـدي
بين هذي..وبين هذي..وبيـن ذيّـه
وصرت في جوٍ عن الرقه بعيـدي
فوق هامـات النجـوم المستضيّـه
ثم ذكرت الحال والوقت الزهيـدي
وجيت هاوي من مطاريف الثريّـه
كل ماحطيت رجلي فـي جديـدي
حولـت مابيـن داب وبيـن حيّـه

الله عليك يابن حويد شاعر راقي وجزل

صح الله لسانك