بدينا باســــــــــــــــم علام النوايا=عليمن يعلم اســـــــــرار الخفايا
وســـــيع المد ســـــبحانه الهــــي=تفضل باالعطا جـــزل العطــايا
بعد ذكــر الـولـــي جـــلا جــــلاله=درست الشــــــعر من كل الزوايا
وجدت الشـــــــعر ديوان العروبه=تعــالج فــيه وتحــل القضــــايا
وسحبت البوك واحضرت القوافي=وابا اكتب ما يليق بمســـــتوايا
ســــــــــلام الله على الحفله واهلها=حمول الخيل قادات الســـــــرايا
ســـــــلام الله على حرب الحرايب=ثقال الروز بســـروج الســـبايا
ســـــــلام الله على حرب الدواهــي=زحازيحن صــــــواريمن دهايـا
دعيتونــــي علــــى حفل التخـــرج=وانا حقن علـــي اظهر ولايا
انا حـقـن علـــــــي دعوة ســــــبيّل=البيها واجـــي با اللي معايا
اجــــــي واكــتب تباريك وتهانـــي=تــهانينا لصــافـــين الــنوايا
صــــــديق العمر له حقن عليــــّه=اجـــيه بكل مـاتمــلك يدايا
خــــوي غالــــي ولك قدر ومحبه=ومخازنّا بفـــزعاتك ملايا
صــــديقن صافـــيٍ شــهمن مجرب=خوي الجنب محمود السجايـا
تشـــــــــــــــاركنا فرحنا والتهاني=مع الصــدقان فزعاتك جلايا
وفتحت الباب لرجال الشــــــــــهامه=تجيك رجال من كل الســـمايا
يدور بمجلســـــك هرج النشـــــــاما=على وضحا النقا مهــي خفايا
انا احب الصـــديق اللـــــي فعوله=تغــيض الخصم واتعز الدنايا
ضحوك الســـن بوجــيه القـــرابه=عن الجيران مايخفـي خفايا
مثل شــــــــــرواك ياالقرم المعرب=عســا ربي يكثر با اصدقايا
مثل شــــــــرواك يامنــــي ذكـــرته =يشوش الراس وارفع له لوايا
وعلينا واجبن نحضـــر فــــرحكم=ونزف الك التهانـي والتحايا
هنيئا لك ياابــو فهــد التخــــرج=فــرحكم بالــولد غاية منايا
وهنيئا للـــولد نجل الاْفاضـــــل=عســـــاها له الى العليا بدايا
وعســــــــاها له على الطاعه معينه=بجاه الرب خـلاق الـــبرايا
وختاما ياســــــــــــــلام الله عليكم=نسوقه يمكم سوق الرعايا
ســـــلامن باالعبيــــر مــعـطــــرينه=مزخرف في تراحيب الطنايا
يقوله شــــــاعرن يهدي ســـــــــلامه=نيابه عن مقابــيس المنايا
نيابه عن هــــلا الطــــولات ربعـــي=معشية السباع اهل الحمايا
بســـــــــــم شـــــــــمر هلا الاْمجاد جينا=نيابه عن كـثيرين المزايا
واخــتم القاف فــــــي ذكــر المــهــيمن=مثل مبداي اختّم منتهايا
وصلــــــى اللـه علـــى الهادي محــمد=من المبدى الى ماله نهايا