العنود اللي شكت بعض الحبايب=ليتها ياليتها غضت نظرها
النشايب ماتجيب الا النشايب=والصدور تضيق من زايد كدرها
البسيطه تنتظر وبل السحايب=والمنابت بشرت ميت شجرها
ان تعدت للوجه تبرك ركايب=وان تمادت بالغلط بيّن خطرها
ياعزيزه ياذليله من مصايب=بينت معنى الكرامه في خبرها
علموها للوجاهه والطلايب=واتركوها تختلس شيمة قدرها
لوعوها واجهدوها بالكذايب=ماعطوها فرصته تضرب وعرها
ياهل المعروف ظلم الوقت شايب=والخطايا والمثايل من بشرها
ماورى صدر السفيه الا الهبايب=ولاورى صدر الحكيم الا دررها
الضلوع اليا كضمت تخفي لهايب=والدموع اليا ذرفت يصعب قهرها
اعذروها لاجفت كل القرايب=واذكروها لاعبرتو من بحرها
والعنود اللي نست كل الحبايب=ليتها ياليتها دارت ظهرها