مهما تقولون ذا قاسي وذا قاسي=ماقسامن الموت لامن غيّب احبابك
حلت فجيعه وانا بين اهلي وناسي=قالو فهد مات والله يجبر مصابك
من صدمة العلم قمت اشقق لباسي=واقول له صدق صدق الموت قفابك؟
خذيت ياموت مني *طيب الساسي=لو مانت مكتوب ربي مارضينابك
وشفيك ماتاخذ النمام والخاسي=اللي لاجا الناس كلن قال وشجابك
من عقب مامات صاب العقل وسواسي=واحيان اكلّمه: وينك طول غيابك؟
حتى لو امه نست لاماني بناسي=ياكيف ياقلب تنسى خيّر اقرابك
يافهد برثيك دامه عايشٍ راسي=لين اندفن وسط تربه مثلما ترابك