يابنت عيب اللي تسويه يابنت=درب الخطأ يابنت لاتقربينه
خلك على وضح النقا لاتكلمت=لاتلعبي في ظامي(ن) تظلمينه
اشوف لك في جملت ايام مابنت=غايب ولو لك عذر ماتذكرينه
لعبك على الحبلين ومراسل النت=تبغي تدور لك بصيده ثمينه
بعض الرجال اثقال ماهان لن هنت=طيراً تعلا وانت حدره رهينه
اصحي قبل لا يبدلوا ساعة الشفت=وتسير برا المدرسه ياحزينه
فاتك قطار العمر للحين مافهمت=من تجربة تونس وخلك فطينه