كــثر الله خــيركم يابــو ولــيد=ويا عسانا يابن عمي مانعدمك
اشهدانك دوم للصاحب عضــيد=ياعسا الرديان من فدوة قدمك
قمت باللازم عسا عمرك مديد=وامتطيت اعلا المراتب في كرمك
فيك يزهى المدح وايلوق القصـــــيد=والعلوم الغانمه صابه سهمك
باالرجوله والشهامه لك رصيد=جيشك الطولات والشيمه خدمك
والتواضـع فــيك والفعل الفــريد=وفزعت المحتاج يامنه زهمك
لابســـــن ثوب الكرم لبس الجديد=فوق هامات الصخى رفرفعلمك
هيلعن تزها المــدايح والحـمــيد=شامخ مثل الجبل توصف قممك
يوم جبت الشـــــعر (بك) جاب المزيد= قال هات البوك(والزاج) وقلمك
واحتزم بــي وازهــم الجهـد المجــيد=وابشراني حاضرن لك في لزمك
خيل شـــــعري حاضره والجاش ميد=والقرين اليا زهمته يحتزمك
اضـــرب البيداء بكفن مـن حـــديد=وامدح اللي في جميله ملتزمك
هات كنز الفكر بالشــــــي الاكيد= واذكراهل المرجله لافظ فمك
اشــــــهد ان المدح للطيّب حصيد=وان حلفت الفعل يثبت لك قسمك
مختصــر ماقلت بالهرج المفيد= انت حرن للعلا يشّــــر سهمك