تهيج القــــريحه ياخذيت القلم والبوك=وتحضر بيوت الشـــــعرعندي طوابيره
ياهاجسي حضّرلـــي الصافي المملوك=ملك الجدود اللـــي لهم طيب السـيره
الاياجزيل القاف عطني ومني دوك=عطني عبيرالورد واعطيك تفسيره
فتحت بيبان الحشا المغلق المصكوك=يوم ان عذب الشعر حضرت جماهيره
ابااجني ثمرسدر القوافي واكب الشوك= واصفّي رحيق الشهد وابعد محاذيره
وانظم عقود الجوري الفاخر المحبوك=واصّفي بيوت الشعر واضبط مقاديره
يامعشر اللي يكتب النادر المسبوك=خذمني اللي سبكها ماتبي غيره
جواهرذهب صافي مصفى مهومشروك=من منجمن معروف سبكه وتكريره
كتبت البيوت بسايل العمبر المفروك=ونسجته على الاوراق واحكمت تسطيره
لكم مني اعذب قافيه فوق سطرالبوك=زخرفتهالك وانت تفهم تفاسيره