ياجعيثن بن حسين يابن دليهان=ابنشدك وانت الصدوق الصديقي
واجابتك يالشهم حجه وبرهان=الصدق في حضرة مقامك يليقي
المسجد اللي غرب بوابة اسكان=بشارع ابو عبيده يمين الطريقي
متغيرن صوت الموذن والاذان=وشكله ماهو تمثيل فعلاً حقيقي
عساه مايصير. باسباب جنجان=وخلاف مابين الرفيق ورفيقي
اعرف مشعل باللوزام. بليهان=وصدره وسيع دايمن مايضيقي
وخطيبهم دكتور علمً وفهمان=في كل خطوه في مساره دقيقي
يمكن حضر مابين الاثنين شيطان=واهم شي الكل. منهم طليقي
مامنهم اللي صار من خلف بيبان=ومكلبشن باقوئ الحديد الوثيقي
المشكله في شوف عنبر وسجان=تشب في صدر السجين الحريقي
سميحان بن فهد السويدي
((الرد))
قصيده للشاعر سميحان فهد السويدي ((وردي عليه)) |
اخوك، /مشعل عسام الغافل التريباني في 12/8/1442هجري