يامل قلبٍ كل ماقلت سجي=عصف به الهوجاس وكدر مزاجه
وردت عليه هموم من كل فجي=هنيت من هو دوم يضحك حجاجه
ماجاه من عج التفاكير عجي=وعنده تساوى وبلها والعجاجه
وانا عايش بين الأمل والترجي=وقتي قسى ماشفت فيه انفراجه
وحالي طواه الحب ورجلي تسجي=ماكن لي في دنيتي أي حاجه
غير الهنوف اللي غلاها يرجي=رجت سيور المخرطه باندراجه
كن القمر في نحرها مدلهجي=والخد مثل النور وسط الزجاجه
خمسة حروفٍ اسمها بالتهجي=فيها الحلا والزين حكَّم سياجه
لامن ذكرت الزين فكري يسجي=ريمٍ ذبحني بالدلع والغناجه
وهذي علومي وأول القاف إجي=والحر يفهم والدجاجه دجاجه