امسيت انا وياه تصبح على خير=واصبحت انا والروح تشكي غيابه
ياريم وين انتي من العام بطير =مليت من عد الفراق و عذابه
كانت تقول العام قلبي بك يطير =ولا اتخيل يوم افارق جنابه
نسيت وقت كنت انا وانت به غير =يازين حزه وقت مريت بابه
كنا نطول ونسهر الصبح ونغير=بين المزوح وبين حب وعتابه
مبسم شفاة وغمزه العين تعبير=وقولة احبك منك تشفي كابه
راحت سنيني بين ضرب المشاوير=ماسك طريق الخرج م احسب حسابه
واليوم واقف بين ذكرى الغنادير=مكانك ب قلبي ولا احدن سوا به
كني سجينً عارفن حده يصير =يسجد ويدعي مغفره من هدابه
والا يتيمن ناشدن دون تبرير =من عقب مات ابوه ما احدن درابه
من بعد صدك عزر القلب تعزير=ما يعرف احدن وانكر اقرب صحابه
تركت حتى الجامعة دون تبرير=وكرهت كتبك مع نصوص الكتابه
صار السهر والهم مع زود تفكير=عاده جديده بعد فرقاك جابه
اكتب قصيدن ما سمعه الجماهير=تشيد في جرحي وينزف شقابه
لكن قسم بالله من دون تكفير=ان الخفوق اللي بداخلك عابه
معقوله كل الوقت مافيه تضمير=وشلون عاش وصار منه القرابه
لكن بقول العلم مافيه تسكير =اللي عشق شرواك ماينحكى به
تبقين ياريمي والك كل تقدير =وبعدك دروب الحب قفلت بابه
واللي سمع الابيات ياخذ بالاخير=ياليت مسرى العشق مايندرا به