يا هاجسي ارسم مثل بين الاقواس =اعجبني مضمونه مثل منت شايف
شاعر واعشق الجزل لاهب نسناس =واغرف بحر وانثر سمان الوصايف
من شعر هادف يخدم الدين والناس= شـــاعر يحب الخير بالغير رايف
مخافة الله حكمته زاد ولبـــاس= ويــرجي عظيم الشان يوم الصحايف
نصيحتي خذها من الراس للراس=جــواهرٍ من قلب مخلص وخــايف
خايف على اخوانه دهاليز الانجاس= اللــي مماشيهم تجيب الكــــسايف
اتــرك قليل العرف يـــاطيب الساس= اللي ينقنق بالحــكي والحـسايف
خلك على ماقيل في راس نبراس =صاحب حــرار القوم والجو كايف
افرد جناحك عز في هدتك باس = وفي مخلبك حد السيوف ارهايف
حــرٍ طليق مــا لك اشباه واجناس = حلق سماء ..همتك شم النوايف
الدين لك منهج ومذهب ومقياس=وتشيل مع حملك حمولا ردايف
عزيز نفس ومركبك كل نوماس =وتشوم رجلك عن دروب الهدايف