يا مغٍير اسمك ليتك مغيٍر طباع=قبل تسمٍي كل من شفت خلًك
من ما يعرفك ينخدع فيك في ساع=قبل يخطبك جاب مأذون ملًك
ما يدري انك ضبع من غابة سباع=وآخر ضحايا هجمتك عزوتن لك
طبع البهيمه لا كلت حد الاشباع=(تجتر) والعالم تحسبه (تعلًك)
تقول ما انصفني الزمن كلي اوجاع=كذاب دامه شاهدن فيك ظلك
مريض نفس تعيش باوهام وصراع=غشيت عالم جعْل ربي يذلًك
اصبحت (عانس)والسبب كذب وخداع=حتى ولي امرك من الكذب ملًك
افعالك السودا هوت فيك با القاع=ما دمت كافر با القوانين خلًك
معدنك (صفر) وعادة الصفر لمًاع=احيان شكل الكآذبه ما يدلُك
تقول لي عينين حلوات ووساع=و(الخال) لامن تهْت عني يدلًك
فيني جمال وفيني اسعاد وامتاع=وانا احمد اللي فكٍني منْك كلًك
لو تبدي اعذارك فلاني بسماع =وان متْ قبلك خافقي ما يحلًك