ياعيد انا مثلك همومي كو تني= اليا تذكرت العلوم القــديــمه
العين هلة دمعها وازعجتـنــي= والحال مني دايمن مســــتهيمه
الدار عقب اهل الوفا مااعجبتني= والنفس عادة يابن شده محيمه
اشفق على دارن بصغري رعتني= دار الرجال اهل النوايا السليمه
لكن اليا شفت الرســـوم احرجتني= معالمن من عقب اهلها وخيمه
من عقب فقد اصحابها مللـتنــي= مليت من شــــوفه وبعده غنيمه
شوف الرســــوم الماضيه غربلتني=معالمن لهل القلوب الرحـيمه
ياشفت تال رســــــومهم ضيقتي= لو اتعزم ماقـــويت العزيـــمه
عيني عليهم باالدموع اغــرقتني=تنثر عبايرها ورمشـــــي تظيمه
حاولت اســـليها ولكن عصتنــي= واسترسلت باالدمع واسقت لزيمه
حاولت اخفّي دمعتي وافضحتني=وانا عيونــي باالعباير كــــريمه