وانا يابن شده ديدني شــبه من ديدنك= هجسي على ممشــــــــــاك ياعيد وداني
اهل التجاره شــــــــوفهم صابني بالتنك= وجمع المكاسب والله انه فلا اشــــــقاني
احب الصخي لو ماجمع درهمن و افرنك= لوهو من اقصى الناس عده مــن اخواني
اقول للطيب ترى معدنـــــي مـعـدنك= وجماعت الاموال ماشـــانهم شـــــــــــاني
ياحلو الدلال الصـــفر ياقربوهـن منك= فيهن سعت صدري وعشــــقي وســلواني
حـــديدهن رســــــــلان ما جمعو هن زنك= تقول من منجم ذهب صنع رســـــــــــلاني
ونجرن اليا نشـــته وجرــ العوى يحز نك= يقنب قنيب مهـرفلن ســــــــــاقه الجاني
كنه يقول انــــي (عن) المطحنه ـ زابنك= تكفا ترى الطاحــون قام يتحدانــي
واقــول له يانجــر قـرّب وانا ظــامـنك= ابشـــــــــر بعزك يا دخيلن تنصانــي
والله لاحـد المطحنه عنك( وانت ) احظنك= وارحص حلالي لك ولاني بند مانــي