نوخ الليل والساري نوى المسرا=ماكل يومٍ هواها في هوا الساري
بنت طيش الشباب وروّحت عذرا=لعنبوها تفوت وتشغل افكاري
صاحت طعون صدري والفضا قمرا=جادل البيد وده غيث الامطاري
خل هم المواجع ياخذ المجرا=وخل حزن الحروف بهمها العاري
يازمان اغتيال البوح للصبرا=حسبي الله على اللي بيّح اسراري
يادجا الليل ضاعت بالنظر صحرا=ليت ممساه ضيّع خايب الطاري
كل وقتٍ يفوت ومهنته قشرا=ماتعذر مداه لسافي الذاري
ياجهات الجزيره مالقا يقرا=غير فوح الشمال بطيب الاخباري
عتم الوقت والدنيا بقت غبرا=يارمادي بقايا شبت الناري
وجرهد الليل والساري هوى المسرا=ليت قمراه جتلك ياهوا الساري