من شـد حبـل عصابتـه واتعصبلـه=حاضر بحاضـر مايتأخر ويرتـاضـي
لمنهـو دعانـي حالفـن ماتغيبـلـه=بينـي وبينـه للمياديـن مركاضـي
لايذخـر المجهـود والحيـل يحتبلـه=من قال هيا لساحة الشعر خضاضـي
واللي حلـب لـي بالمقاصيد يحلبلـه=ومن عض جنب مسيلمه جاه عضاضي
واللي سحب لي من مصاريه يسحبلـه=يزعل ويرضى ماله ايـات مرفاضـي
واللي رفع ضـو المشاعيـب يشعبلـه=ياما يتبين ضعـف ضـوه والاغماضـي
امـا ينـادي للحواطيـب يحطبـلـه=اويتضح له مـع هـذولاك مرباضـي
اللي فضايـل تالـي العيـش تنكبلـه=في مربطه يفـوت قيضـاً ومقياضـي
واللي ضعيفن بالجهـد كـود يزعبلـه=ليه يتجـرى دش لحمـاي وفياضـي
يصلخ بسيفن منـه الارواح منهبلـه=ياساتر استر مـن بلاويـه والشاضـي
هـذا ذبيحـن لـه وذولاك تطلبلـه=يامر وينهى والنتايـج علـى الفاضـي
ماباقـي الا بـس ماقيـل يخطبـلـه=ياما نباالله مـن خثاريـق واخواضـي
اشوف ناسن لـه مناصـب تنصبلـه=والله فلاله مع هل الصنـف منهاضـي
ماينعـرف سـر اتجـاهـن تقلبـلـه=ناسن عقوله صابه الغش وامراضـي
شيطـان فكـره باالعانـه تسببـلـه=ماتذكـر الرحمـن تركـد وترتاضـي
بالثرثـره مابيـن الاصحـاب يعجبلـه=عوجـان اللسـن لتفاريـق حراضـي
غورب عليه ابليـس ودمـه تسربلـه=هبيت وجهن لعـرض الاجواد قراضـي
ياللعجب كـل العجـب مـن تعجبلـه=ناسن تشـره دون حقـاً ومفراضـي
والكان به جـن العواجـه تغيصبلـه=اقراء عليه البسملـه ليـن يعتاضـي
وغيـره فنيجيـل العزايـم يروبـلـه=والله ان عاده لانجض جروحه انجاضي