الغرام اللي خذاني لمجهول الغياب=ماترك عرقن بصدري ماشده وانهره
انغرز في جوف مغليك نابن تحت ناب=شق عرق وشق شريان قلبي وابهره
انحفر بالضلع الايسر طموحات الشباب=وانطبع بالضلع الايمن حصون المقبره
تاهت الخطوات قدام بابك يالعتاب=والنظر كنه تحرر على غصن شجره
يالغياب المر صاحبك ملكّ يالغياب=وانت لاسويت معروف ولافيك ثمره
اكرهك كرهي لوقتآ جمعنا ثم غاب=وارسل آهاته وجرحه وحزنه واقشره
واستقرت فالمحاني وحطتني نصاب= للمواجع لاسمر الليل لاشجان قمره
للالم للحزن للضيق وسهوم الحراب=للاسى لللذكريات الاليمه واضرره
اشربك شرب المخمرّ لكاسات الشراب=لافقد عقله ودش الحكي والثرثره
جاب ماخفاهّ وقته بلا غيم وضباب=وانكشف سره من اقسى المواجع واحفره
وانكشف سرآ ربى بين ضلعينه وشاب=وانفتح لعداه هرج القفا والمقصره
لاهو اللي نال صبره ونال من الزهاب=ولاهو اللي ساتر البير ماجاب خبره
آآآه ياجرح المحاني على طول الغياب= وآه يادمعآ ذرف من عيوني وحوره
وآه ياقل المواصل وسكات السراب= وآه ياقو قلب الامل واللي صبره
جرح بعدك فتقّ عروق قلبي واستجاب= للجوارح , والمشاعر سكنها وظفره
جتك روحي تطلب العفو منك والمتاب= ألطف بروح من لاجلك العمر خسره