الليله مدري ليش عيت تعدي=ماهي مثل باقي الليال الحليمه
من اوله هم الحشا مستعدي=يلعب على اوتار الجروح الكريمه
متبعثره متشتتن فكر وجدي=متناثره وافكار راسي عقيمه
متلخبطه محيوس ابو مخ جدي=متفرقه واعضاء جسمي سقيمه
كل الجروح لصوب روحي تلدي=والذكريات اللي براسي مقيمه
عيت تفارقني وعيت تصدي=تزرع من الاهات بالصدر ضيمه
تحفر وتغرس تستلذ وتمدي=تسقي مواجعها من العين غيمه
وجع آلم بيح مخازين سدي=بركان مدري موج فاق العزيمه
الله على ليله لو العمر ضدي =تكفيني ابحر فوق نهر الهزيمه
يالمقبلات الغايبات استمدي=صبرآ على مر الغياب وغنيمه