انا لاضقت بهمومي عن العالم لزمت الصمت=مع ان جروحنا تزداد كان اني كتمت الصوت
ولكني عن اصحاب المهازل والخباثه شمت=ولا يخفي شعاع الشمس هرج العفن والسربوت
ولو دام السعد بالعمر لابواب السعد ما دمت=مصيرك للنعش والا سريت بظلمة التابوت
عزاي عن التي لا طاف طيفه ياسعد مانمت=عنود لا بغت مرمى معاليقك تشوته شوت
مع اني ياسعد دافعت قدامه ولا هاجمت=ابيـها ياسعد ترفق بقلب ذاق منها الموت
لك الله لو عرفت جروح حبه كان ماسالـمت=ولا خليـت جمر الهجر داخل مهجتي مكبوت
ولا كانت تخاصمني وانا بالظلم ما خاصمت=ولا سلمتها روح تبرمجها بلا ريموت
الا ليتـي تركت السوق ماجيته ولا سلمت=ولا شفت الهوى يومـي بجسم مثل غصن التوت
او اني عقب ماشفـته شطفت امـره ولا كـلـمت=ولاصاب الحشى قصف شبيه اللي قصف بيروت