يامن يوصـــل للسنــــافي مراســـيل = فيصل ابن شليويح ابن العطــاوي
معرب الجديــــن من عصر ابابــــيل = قـــرمً وبالشدات يفـــزع ويـــاوي
نعــم بكــم يامحـلحـــلين الكوالــــيل = والفـــين نعـم يابعـيد الخطــــاوي
يافيــصل اسمع قصتي والتفاصـــيل = واللــي مثــل شـرواك حـرً نـداوي
جيــتـك وانا انقــل ملــف الغرابــيل = المـوت مــع هــم الحياة متسـاوي
لو ترقـــد عيــون الملا مرقد اللـــيل = ولو تسهر العــالم فلا لي مخــاوي
شاعــر واهيم بكل وادي ولا امــيل = قلبــي مـع السنـه ولاهـو بغـــاوي
كل الرتب تزهـى المتون المقابـــيل = يابن الرجـــال اللـي كلامه يــداوي
تفخر بكم نجد وهل السلم والخــيل = والمملكه تـفـخـر بصيت العطـاوي
جـدك يافيـصل شيـخ قوم حلاحـــيل = جــدك يعــدل مايــلات الهقـــــــاوي
بفعــول جـدك يشهدون الرجاجـــيل = يــا عـل مــاله فـي جهــنـم حـراوي
فيه التواضــع ماتكبر على الجـــيل = محــكــمً عـقـلــــه بليـــا مــــــداوي
وابــوك فيـه الطـيب ويعدل المـــيل = يحمــل مزايــاكم بقلـــب رضــــاوي
وليـــا زعل يامر دواهي اسرائـــيل = وتمشي له اسرائيل مشي امتساوي
وان قصر المكتوب عقب التفاصـيل = اقبــل عــذر منصــور شاف البلاوي
فنــــانة قــامـــة تهــــز الاساطـــيـل = فنــــانة تلعــب بقلـــب الهـــــــواوي
به من سحر هاروت فن وغرابـــيل = البرتقــــاله مقصــدي يـــا العطاوي
واختامها لو عذربوها العـــواذيـــل = بســــكن على شانه شمال الصداوي