راحــت حيـاتي عقب فرقى حبيبي=صحيح عايش بس ميت بالاحــزان
وشلون مدري صـــار هذا نصيبي=بس ادري انه من مقاديـر رحمــان
اسامر القمرى وجــرحي عطيبي= والذهن ملهـوفٍ وشـــارد وحيــران
لصــــار خـلي مــن ردوده عجيبي=نوبات يضحك والزعل اكثر احيــان
خذيت روحي وانتظر وش تجيبي= حتى وصالك يا اكحل العين ما بـان
بنــات فكــري في سطــورك تنيبي=حتى لساني في الشعــر تـو مــازان
حتى شبابي مــــن صدودك يشيبي=وان مالفاني جهزو بيض الاكفـــان
يـــاليت محبوبي يرد و يطيبي = يلطف بحالي قبل ما مـوت زعـلان