الشمري معروف طيبه وشانه=رمز الوفا حرٍ(ن) تعلى المراقيب
يوم إن كلٍ(ن) صار يشعب حصانه=شمّر هل الردات عِطب المضاريب
شمّر لهم بالحق فرض وضمانه=لاجات حزات الأمور الأصاعيب
شمّر خوالي ماتعرف الطمانه=عز الخويّ اليا عوى الذيب للذيب
من دار طي اليا حدود الكنانه=ومن الشمال اليا جزيرة "سرنديب"
والشمري ماهتزّ ثابت كيانه=هو للفخر بيت وعمود ومطانيب
وعيادة اللي بالمواقف تكانه=شيخٍ ولو ماله ختوم ومناصيب
أمير في جاهه وعربٍ(ن) لسانه=(ولاهو غريب الطيب من صاحب الطيب)