الشعر راهي واتزن فيني الجو = واحساس جاشي للمعاني تهيا
جتني بروق الشعر مع غيبة الضو = تسوقها انفاس السحاب الزكيا
ليا دعيت الشعر جاني كما النو = انعش صدر قافن جرين رهيا
قم يانديبي هاضني هاجسن تو = وصلّ مكاتيبي وعجلّ عليا ّ
احمل معك ورداً جميلاً ومحلو = غلفّ بها المكتوب واثن التحيا
لابن الرجال اللي بفعله تعلو = ربعه بصيته واااصلين الثريا
عويد ليا من المعادين لاقو = مغلوث يلطم له ثمانين حيا
كبيرهم وقت الشدايد تحلو = بالصبر والحكمة وطيب الحميا
وصغيرهم يوم الملاقا تحدو = شجعان فرسانن تفك التليا
ترفع لهم بيضاً لفعله تهيو = جزلين وافين العطا والبهيا
عويد ابشكي لك جروحن تشاكو = سهم الفراق اللي رماني بغيا
راح العمر وانا تحرى ولاجو = وورودي بيدي عطاشى ضميا
ادري مهو جافي ولكن تخلو = حظوظنا بالوصل تاهت حفيا
عانيت منه كل ضيمي منه هو = سكين جرحه بالمحاني بطيا
راح العمروالقلب مافاده اللو = وماطر وصاله للاسف ماتهيا
وش هقوتك باللي تنحى مع الدو = هو ذاكرن ولاتناسى الضحيا
هو ذاكرن حبن وشوقن تهادو = ولاتعدت به رواج الهذيا
هذي وصاتي ياعويد اذا جو = وصلّ له احساسن رهيفن خفيا
وقله خدودي من دموعي تساقو = وعرقن بقلبي وقفّ الدم عيا
حبه وجرحه بالضماير تراكو = بين الضلوع وسط قلبن شقيا
واذا عهوده عن وعودي تنحو = ارفع يدينك للهبايب كذيا ّ
وكب الغرام اللي توجهت به تو = لنسناس ريحن جاف بارد عصيا
وختامها يالذيب عني تحاشو = عن الخطأ ياشوق زين المحيا