كان انا اخطيت عمري طالب المعذره=انتي اكبر من الاعذار في كلمتين
يعلم الله عن اللي با الخفوق اضمره=كان ما تلمسين الجرح لا تسالين
الذي في بحر عمرك تسمى مره=لو فرقتي عن سنين الجهل بسنتين
اقدر احلم واقول الغاليه ما دره=بس لي قلب ما يفتح على وجهتين
همي انتي ولا مره همومي سره=عبري مثل ما عبرت لا تسكتين
روح مضناك ماعمره لحي صبره=الغلى مايبي تفكير لو تسمحين
ادري انك على كتم الغلى مجبره=وادري اني معك دينن يناطحه دين
يا منالن تعثر لي سنين انطره=انفضي عن سما وجدي غبار السنين
ما اذكر ان الدموع لغير عينك جره=ولا اذكر اني حضنت بمهجتي درٍتين
انتي العمر كله لو فقدت اكثره=قبل ميلاد حبك كنت عايش حزين
ليلتن ما تشوفك ما يبين قمره=وديرتن ما تضمك ما بها نور عين
سامحي من عنا لك طالب المعذره=يكفي انك غلاي ولا لحبك وزين