جـــوالـــكـــم يـابــاعــثــيــن الـــرســـايــــل=بإسم اجنبي ما ينـدرى بـاي ديـره
بـاع الشريحـه حكمتـه قـول قـايـل=خــل الفضـايـح وانــت رايــح كثـيـره
راحــوا شـروهــا عاشـقـيـن الـرذايــل=اجــيــر والا بــنــت جـنــســه اجــيـــره
نــاويـــن مـنــهــا يــبـــردون الـغــلايــل=فـي نـاس ماجابـوا لـلاجـواد سـيـره
فــي ظنـهـم سـبًـة عـيــال الحـمـايـل=مـن رقـم مجهـول البـلـد والعشـيـره
يـحـطـهـم شـجـعــان بــيـــن الـقـبـايــل=لاوالله الا فــــاقــــديـــــن الـــبـــصـــيــــره
يامن تـبـاهـيـتــوا بـــســـود الـعـمــايــل=لـو طالـت ايـد الحقد تـبـقى قصـيـره
تـبـطـون يـلـلـي تـحـفـرون الـنـثـايـل=خـلــوا نثـايـلـكـم لــمــن مــــات غــيــره
مـوتـوا قـهـر يــا متعبـيـن الوسـايـل=سيـف الغـدر مـا يجـرح الا جفيـره
امـا انـا مبسـوط فـي قلب (حـايـل)=بظـلال (اجـا)سـاكـن وعيـنـي قـريـره
في منصبٍ مرموق عالي وهايل=مــرتـــاح بــالـــي والــوســـاده وثـــيـــره
واثـق بـوال الـعـرش جزل الفضـايـل=واللـي يثـق بـا الـرب هــذا مصـيـره