أحد ٍعلى ربعه كثير النفاعه=وأحد ٍعلى ربعه سروق ٍ و نهاب
صار المجامل كل يوم ٍو ساعه=حتى الحقيقه دونها سور و أبواب
شفنا الردى بالوقت زاد إرتفاعه=و المشكله يلقى دعايات و إعجاب !
العار عار ٍ ما يطاق إستماعه=يظلله من كان خايب و مرتاب
انا ولد عود ٍ عزيزه طباعه=ماني ولد هيس ٍ منافق و كذاب
عندي على جزل القصايد براعه=مثل الذهب يصغي لها كل الأصحاب
ماجيت أدور في حياتي إذاعه=ولا جيت أدور لي لقب بين الألقاب
و ما جيت أكمل للحريق إندلاعه=لا شك في صدري مشاريه و عتاب
ويطري علي شطر ٍ تزايد شعاعه=الروس روس ٍلو يغارون الأذناب