الموضوع
:
ديوان الشاعر الرأوي / فواز ابن غسلان
عرض مشاركة واحدة
19-05-2007
#
16
بيانات اضافيه [
+
]
رقم العضوية :
585
تاريخ التسجيل :
05 - 05 - 2007
أخر زيارة :
29-08-2017 (12:33)
المشاركات :
997 [
+
]
التقييم :
84
اوسمتي
لوني المفضل :
Cadetblue
العيون الوساعي
العيون الوساعي
ليش تظلم وربي مايحب الظليمه=يومي تطعن خفوقي بالعيون الوساعي
كنت احسب النوايا في غرامك سليمه=لين صارت حروبك بالاذاعه تذاعي
قبل حربك تراني عارفن بالهزيمه=وقبل شوف القذايف بالسماء له شعاعي
ويل قلبن عشيره بالمعارك خصيمه=كيف يرمي وقلبه مع حسين الطباعي
ان تقدم حبيبه وان تأخر غريمه=وكل رجلن تصيده لالويت الذراعي
قلت ادافع وقلتي راح تاخذ قسيمه=وقبل جدع البنادق صار ذبحك جماعي
صار قلبي ضعيفن في عيونك تضيمه=ولو وقع من سلاحك مالقى اليوم ناعي
وشلت قلبي وروحي في رموشك غنيمه=وباقي الجسم طعمن للحداء والضباعي
ان سجنتي اسيرك من يراعي حريمه=او يراعي صغيرن في سنين الرضاعي
قال هذي سلومن بالمعارك قديمه=ولو بغيت السلامه بالهوى ماتطاعي
كنت احسب العذارى في هواها رحيمه=والجروح اللعينه مالها اليوم داعي
لين صبتي خفوقي يالغلا في صميمه=وشفت قلبي رخيصن بالمبيعه يباعي
ياعنودن كلامه ساطي(ن) في كليمه=والغنج في عيونه قبل سن الرباعي
وسط روضن سحابه يجفله في هزيمه=كان لجلج رعدها ضاع قلب الرعاعي
ضاح برقه تلالا يختفق وسط غيمه=يسعد اللي دبشهم تالي القيظ جاعي
في ربيعن تجدد مع توالي هشيمه=نوب ترعى طمان ونوب ترعى الرفاعي
لاتسوق الضماير في دروب الهضيمه=وان لقيت الهضايم خافق القلب ضاعي
خل قلب الهواوي يهتني في نعيمه=ان كشفتي لعينه لثمتك والقناعي
صار عودي نحيلن في بداية صريمه=من غرامن لهيبه واصلن للنخاعي
ليش تذبح عشيرن ماعمل بك جريمه=يوم تفدع بقلبه في فراقك فداعي
لاتطيع بغرامي من مشى بالنميمه=هرجهم بالحبايب مضربه بالكراعي
هم سبب نار قلبي لاتلاسن جحيمه=يبعدون الحبايب عن دروب السناعي
حالتي عقب عينك خالقي هو عليمه=ولك سموحة خفوقي في نهار الوداعي
شعر راوي الجبل ابن غسلان00
فترة الأقامة :
6217 يوم
معدل التقييم :
زيارات الملف الشخصي :
484
إحصائية مشاركات »
المواضيـع
الــــــردود
[
+
]
[
+
]
بمـــعــدل :
0.16 يوميا
فواز الغسلان
مشاهدة ملفه الشخصي
إرسال رسالة خاصة إلى فواز الغسلان
البحث عن كل مشاركات فواز الغسلان